No caso de que o/a estudante careza da formación previa completa esixida no programa, a admisión poderá quedar condicionada á superación de complementos de formación específicos.
De ser o caso, o programa determinará os complementos de formación que deberán ser concretados para cada alumno/a pola CAPD, sen que poidan superarse os 15 ECTS. A realización destes complementos será previa ou simultánea á matrícula en tutela académica no programa. No caso de realización simultánea o/a alumno/a deberá matricularse destes complementos no momento de formalizar a matrícula de tutela académica no programa. No caso de ser previa só se matriculará destes complementos e non se asinará o compromiso de supervisión nin se abrirá o Documento de Actividades do Doutorando ata a súa superación.
Os complementos de formación deberán superarse no prazo máximo de tres cuadrimestres consecutivos. De non facelo así, o/a alumno/a causará baixa no programa.
Devanditos complementos de formación específica poderán ser de materias ou módulos de mestrado e grao e terán, a efectos de prezos públicos e de concesión de bolsas e axudas ao estudo, a consideración de formación de nivel de doutoramento. No caso de realizarse con carácter previo o seu desenvolvemento non computará a efectos do límite temporal establecido para a realización da tese. Estes créditos non computarán a efectos dos requisitos ordinarios de acceso ao Programa de Doutoramento.
Para aqueles estudantes nos que a CAPD entenda que existen insuficiencias nos coñecementos xerais sobre a actividade investigadora, poderá establecer a necesidade de cursar o primeiro módulo obrigatorio do Máster Universitario “Biodiversidade Terrestre”, “Ciencia e Tecnoloxía Agroalimentaria e Ambiental” ou calquera outro mestrado do ámbito científico de carácter investigador. Devandito módulo consta de 15 créditos ECTS de carácter obrigatorio para todos os/as alumnos/as matriculados no mestrado. Os contidos teñen que ver co ensino do labor investigador, como escribir unha publicación científica, como facer unha boa comunicación oral, tratamento estatístico de datos e manexo da bibliografía científica, así como uso das aplicacións informáticas relacionadas coa bibliografía e o manexo de datos.
Nos casos en que as insuficiencias detectadas teñan que ver con insuficiencias relacionadas coa liña de investigación, a Comisión Académica consultará os informes procedentes das entrevistas ás que fai referencia o punto anterior sobre que contidos debería cursar o/a alumno/a antes de establecer os complementos de formación.
A Comisión establecerá así mesmo se os complementos de formación deberán cursarse con carácter previo á firma do compromiso documental e á apertura do Documento de Actividades do Doutorando ou se poderá realizarse simultaneamente ás actividades do programa de doutoramento.
Sempre que existan deficiencias que recomenden cursar estes complementos de formación, o/a estudante recibirá a información sobre o que debe cursar antes da formalización da matrícula.